Amo 2 | Ndebele | STEP | Itsho njalo iN kosi : Ngenxa yeziphambeko ezintathu zikaMowabi , langenxa yezine, kangiyikuphambula isijeziso sabo, ngoba watshisa amathambo enkosi yeEdoma aba yikalaga .

Amos 2

1 Itsho njalo iNkosi: Ngenxa yeziphambeko ezintathu ^a zikaMowabi ^b, langenxa yezine, kangiyikuphambula isijeziso sabo, ngoba watshisa amathambo enkosi yeEdoma aba yikalaga ^c. 2 Ngakho ngizathumela umlilo koMowabi, ozaqeda izigodlo ^d zeKeriyothi ^e, uMowabi afele phakathi kokuxokozela ^f, ngokumemeza, ngokukhala kophondo ^g. 3 Ngiqume umahluleli asuke phakathi kwakhe ^h, ngibulale zonke iziphathamandla zakhe kanye laye, itsho iNkosi.

4 Itsho njalo iNkosi: Ngenxa yeziphambeko ezintathu ⁱ zakoJuda, langenxa yezine ^j, kangiyikuphambula isijeziso sabo, ngoba bawalile umlayo weNkosi ^k, kabagcinanga izimiso zayo ^l, lamanga abo abaduhisile ^m, oyise abawalandelayo ⁿ. 5 Ngakho ^o ngizathumela umlilo koJuda ^p, futhi ^q uzaqeda izigodlo zeJerusalema ^r.

Ukugwetshwa kukaIsrayeli

6 Itsho njalo iNkosi: Ngenxa yeziphambeko ezintathu ^s zakoIsrayeli, langenxa yezine ^t, kangiyikuphambula isijeziso sabo, ngoba bathengisa olungileyo ^u ngesiliva ^v, loswelayo ngamanyathela amabili ^w, 7 abaphefuzelela ^x uthuli lomhlaba ^y oluphezu kwekhanda labayanga ^z, baphambukisa indlela yabamnene ^aa; njalo umuntu loyise baya entombini ^ab, ukuze bangcolise ibizo lami elingcwele ^ac. 8 Bacambalale ezembathweni zesibambiso ^ad eceleni kwalelo lalelo ilathi ^ae, banathe iwayini labalahliweyo ^af endlini yabonkulunkulu babo ^ag.

9 Kanti mina ngachitha umAmori phambi kwabo ^ah, obude bakhe babunjengobude bamasedari ^ai, eqine njengama-okhi* ^aj; kodwa ngachitha isithelo sakhe ngaphezulu ^ak, lempande zakhe ngaphansi ^al. 10 Futhi mina ngalenyusa elizweni leGibhithe ^am, ngalikhokhela enkangala iminyaka engamatshumi amane ^an, ukuze lidle ilifa lelizwe lomAmori ^ao. 11 Ngavusa abanye emadodaneni enu babe ngabaprofethi, labanye emajaheni enu babe ngamaNaziri ^ap. Kakunjalo yini, lina bantwana bakoIsrayeli? itsho iNkosi. 12 Kodwa lawanathisa amaNaziri iwayini ^aq, lalaya abaprofethi lisithi: Lingaprofethi ^ar. 13 Khangelani, ngizalicindezela phansi ^as, njengenqola igcwele izithungo icindezela. 14 Ngakho isiphephelo sizabhubha ^at kolejubane ^{au
,} ^av, lolamandla kayikuqinisa amandla akhe ^{aw
,} ^ax, leqhawe kaliyikukhulula impilo yalo ^ay. 15 Lophethe idandili kayikuma, lolenyawo ezilula kayikuzikhulula ^{az
,} ^ba, logade ibhiza kayikukhulula impilo yakhe ^{bb
,} ^bc. 16 Lolenhliziyo eqinileyo phakathi kwamaqhawe ^bd uzabaleka eze ngalolosuku, itsho iNkosi.